«Пари Сен-Жермен» клуби ярим ҳимоячиси Витинья Чемпионлар лигаси ярим финали доирасидаги «Бавария» билан ўйин олдидан «Парк де Пренс» стадионидаги ўзига хос муҳит ҳақида гапирди. 48 мингга яқин томошабинни ўз бағрига сиғдира оладиган ушбу арена бугун Европанинг икки гранд жамоаси ўртасидаги илк тўқнашувга мезбонлик қилади.

«Европа Чемпионлар лигаси оқшомларида стадиондаги муҳит мутлақо бошқа даражага кўтарилади. Ҳавода қандайдир таърифлаб бўлмас, ажойиб бир нарса айланаётгандек туюлади. Бу нафақат биз футболчиларга, балки мухлисларга ҳам кучли таъсир қилади», — дея футболчининг сўзларини келтиради УEФА расмий сайти.

Португалиялик футболчининг таъкидлашича, бундай муҳит жамоага ижобий натижаларга эришишда катта кўмак беради. У мюнхенликларга қарши баҳсда ҳам мухлисларнинг қўллаб-қувватлаши ҳал қилувчи аҳамият касб этишига умид билдирди. Эслатиб ўтамиз, «ПСЖ» – «Бавария» учрашуви Тошкент вақти билан соат 00:00 да старт олади.