Мюнхеннинг «Бавария» клуби бош мураббийи Венсан Компани жамоа ҳужумчиси Ҳарри Кейннинг қайси жиҳатлари етарлича баҳоланмаслиги ҳақидаги саволга жавоб берди.

«Менимча, Англияда унинг ҳужумларни якунлаши ва етакчилик қобилиятлари доим муносиб баҳоланган. Аммо ҳозир биз унинг ўйин интеллекти, ишчанлиги ва жамоавий ўйинга қўшаётган улкан ҳиссасини ҳам кўриб турибмиз. Энг муҳими — бу хислатларнинг барчаси ақл бовар қилмас статистик кўрсаткичлар билан уйғунлик ташкил этади», — деди Компани матбуот анжуманида.

Эслатиб ўтамиз, бугун, 28 апрель куни «Бавария» Чемпионлар лигаси ярим финали доирасида сафарда «ПСЖ» меҳмони бўлади. Орадан саккиз кун ўтиб жамоалар Мюнхенда жавоб учрашувини ўтказишади.