«Рома» ҳимоячиси Зеки Челик Италия А Сериясининг 34-тури доирасида «Болонья»га (2:0) қарши кечган сафар ўйинида олган жароҳатидан сўнг тиббий кўрикдан ўтди. Бу ҳақда журналист Филиппо Бьяфоре хабар бермоқда.
Манба берган маълумотларга кўра, 29 ёшли туркиялик футболчида мушак жароҳати аниқланмаган. Эслатиб ўтамиз, Челик сон соҳасидаги муаммо туфайли иккинчи бўлимда майдонни тарк этишга мажбур бўлган эди.
Кутилишича, ҳимоячи 3 май куни бўлиб ўтадиган «Фиорентина»га қарши муҳим баҳсда жамоасига ёрдам бера олади. «Рома» футболчилари икки кунлик ҳордиқдан сўнг, бугун — 28 апрель куни машғулотларга қайтишади.
Маълумот учун, Зеки Челик 2022 йилдан буён Рим клуби шарафини ҳимоя қилиб келмоқда. Жорий мавсумда у барча мусобақаларда 41 та ўйинда иштирок этиб, ўз ҳисобига битта гол ва тўртта голли узатмани ёздириб қўйди. Айни дамда «Рома» 61 очко билан турнир жадвалида 6-ўринни эгаллаб турибди.
