«Манчестер Юнайтед» раҳбарияти ёзги трансфер ойнаси учун катта режа тузган. «Қизил иблислар» жамоа тарбияланувчиси Маркус Рэшфордни имкон қадар тезроқ сотиб юборишни ва унинг ўрнини «Милан» юлдузи билан тўлдиришни кўзламоқда.

Манкунианликлар Рэшфордни 30–40 миллион евро эвазига қўйиб юборишга тайёр. Ушбу трансфердан тушган маблағ тўғридан-тўғри Рафаэл Леауни сотиб олишга йўналтирилади. «Милан» эса португалиялик вингери учун камида 50 миллион евро талаб қилмоқда.

Эслатиб ўтамиз, аввалроқ «Барселона» ижара муддати якунланганидан сўнг Рэшфордни тўлиқ сотиб олиш ҳуқуқидан воз кечган эди. Шу тариқа, инглиз футболчисининг «Олд Траффорд»даги келажаги сўроқ остида қолмоқда. Кэррик бошқарувидаги «МЮ» ҳужум чизиғини Леау ёрдамида янгиламоқчи.