«Manchester Yunayted» rahbariyati yozgi transfer oynasi uchun katta reja tuzgan. «Qizil iblislar» jamoa tarbiyalanuvchisi Markus Reshfordni imkon qadar tezroq sotib yuborishni va uning o‘rnini «Milan» yulduzi bilan to‘ldirishni ko‘zlamoqda.
Mankunianliklar Reshfordni 30–40 million yevro evaziga qo‘yib yuborishga tayyor. Ushbu transferdan tushgan mablag‘ to‘g‘ridan-to‘g‘ri Rafael Leauni sotib olishga yo‘naltiriladi. «Milan» esa portugaliyalik vingeri uchun kamida 50 million yevro talab qilmoqda.
Eslatib o‘tamiz, avvalroq «Barselona» ijara muddati yakunlanganidan so‘ng Reshfordni to‘liq sotib olish huquqidan voz kechgan edi. Shu tariqa, ingliz futbolchisining «Old Trafford»dagi kelajagi so‘roq ostida qolmoqda. Kerrik boshqaruvidagi «MYU» hujum chizig‘ini Leau yordamida yangilamoqchi.
