Мадриднинг «Атлетико» клуби ҳужумчиси Хулиан Альварес Лондоннинг «Арсенал» жамоасига қарши бўлиб ўтадиган Чемпионлар лигаси дастлабки ярим финал учрашуви олдидан матбуот ходимлари билан суҳбатлашди. Баҳс 29 апрель куни бўлиб ўтади.

«Арсенал» фаворитми? Билмадим. Албатта, бу мавзу доимо муҳокама қилинади, лекин биз фақат ўз қўлимиздан келадиган ишга ва нималарга қодирлигимизга эътибор қаратганмиз», — дея Альвареснинг сўзларини келтиради Marca.

«Биз ҳамма нарса учун курашяпмиз. Тўғри, Ла Лигада бироз ортда қолдик, лекин ўтган йили март ойидаёқ курашдан чиқиб кетган эдик. Ҳозир эса Кубок финалигача етиб келганимиздан фахрланамиз. Энди ушбу муваффақиятсизликдан (Ла Лигадаги ҳолат назарда тутилмоқда) сўнг ўзимизга келишимиз керак ва финалга чиқиш учун қўлимиздан келган барча ишни қиламиз», — деб таъкидлади футболчи.

Учрашувнинг бошланиш ҳуштаги Тошкент вақти билан соат 00:00 да янграйди.