Бугун, 28 апрель куни Чемпионлар Лигасининг 2025/2026 йилги мавсуми ярим финал дастлабки учрашуви бўлиб ўтади. Унда Франциянинг «Пари Сен-Жермен» ва Германиянинг «Бавария» жамоалари ўзаро тўқнаш келишади. Ўйин Париждаги «Парк де Пренс» стадионида ўтказилади. Учрашувни швейцариялик Сандро Шерер бошчилигидаги ҳакамлар бригадаси бошқариб боради. Бош ҳакамнинг ҳуштаги Тошкент вақти билан соат 00:00 да янграйди.
Жамоаларнинг бошланғич таркиблари:
«ПСЖ»: Сафонов, Ҳакимий, Маркиньос, Пачо, Мендеш, Заир-Эмери, Витинья, Невеш, Дуэ, Дембеле, Кварацхелия.
«Бавария»: Нойер, Дэвис, Та, Юпамекано, Станишич, Павлович, Киммих, Диас, Мусиала, Олисе, Кейн.
Жамоалар ўртасидаги жавоб учрашуви 6 май куни бўлиб ўтади ва у Мюнхендаги «Арена Мюнхен» стадионида ўтказилади.
Эслатиб ўтамиз, чорак финал босқичида парижликлар икки ўйин натижасига кўра «Ливерпуль»ни 4:0 ҳисобида мағлуб этишган. Мюнхенликлар эса худди шу босқичда Мадриднинг «Реал» клубидан 6:4 ҳисобида устун келишган.
