Bugun, 28 aprel kuni Chempionlar Ligasining 2025/2026 yilgi mavsumi yarim final dastlabki uchrashuvi bo‘lib o‘tadi. Unda Fransiyaning «Pari Sen-Jermen» va Germaniyaning «Bavariya» jamoalari o‘zaro to‘qnash kelishadi. O‘yin Parijdagi «Park de Prens» stadionida o‘tkaziladi. Uchrashuvni shveysariyalik Sandro Sherer boshchiligidagi hakamlar brigadasi boshqarib boradi. Bosh hakamning hushtagi Toshkent vaqti bilan soat 00:00 da yangraydi.
Jamoalarning boshlang‘ich tarkiblari:
«PSJ»: Safonov, Hakimiy, Markinyos, Pacho, Mendesh, Zair-Emeri, Vitinya, Nevesh, Due, Dembele, Kvarasxeliya.
«Bavariya»: Noyer, Devis, Ta, Yupamekano, Stanishich, Pavlovich, Kimmix, Dias, Musiala, Olise, Keyn.
Jamoalar o‘rtasidagi javob uchrashuvi 6 may kuni bo‘lib o‘tadi va u Myunxendagi «Arena Myunxen» stadionida o‘tkaziladi.
Eslatib o‘tamiz, chorak final bosqichida parijliklar ikki o‘yin natijasiga ko‘ra «Liverpul»ni 4:0 hisobida mag‘lub etishgan. Myunxenliklar esa xuddi shu bosqichda Madridning «Real» klubidan 6:4 hisobida ustun kelishgan.
