Сешанба оқшомида Чемпионлар Лигасининг «ПСЖ» ва «Бавария» жамоалари ўртасидаги дастлабки ярим финал учрашуви бўлиб ўтмоқда. «Парк де Пренс» стадионида биринчи бўлим якунланди ва таблода 3:2 ҳисоби акс этмоқда.

Ўйиннинг 17-дақиқасида Харри Кейн пенальтидан Матвей Сафонов дарвозасини ишғол қилиб, «Бавария»ни ҳисобда олдинга олиб чиқди (0:1). 24-дақиқада Хвича Кварацхелия рақиб жарима майдончасининг чап қанотидан йўллаган чиройли зарбаси билан мувозанатни тиклади (1:1). 33-дақиқада бурчак тўпидан сўнг Жоау Невеш гол уриб, парижликларни олдинга олиб чиқди (2:1). 41-дақиқада Майкл Олисе парижликларнинг марказдаги хатосидан унумли фойдаланди: француз қулай позицияга чиқиб борди ва 14 метрлар чамаси масофадан кучли зарба йўллади (2:2). Биринчи бўлимга қўшиб берилган вақтда эса Усмон Дембеле пенальтидан гол уриб, ҳисобни 3:2 кўринишига келтирди.