Seshanba oqshomida Chempionlar Ligasining «PSJ» va «Bavariya» jamoalari o‘rtasidagi dastlabki yarim final uchrashuvi bo‘lib o‘tmoqda. «Park de Prens» stadionida birinchi bo‘lim yakunlandi va tabloda 3:2 hisobi aks etmoqda.
O‘yinning 17-daqiqasida Xarri Keyn penaltidan Matvey Safonov darvozasini ishg‘ol qilib, «Bavariya»ni hisobda oldinga olib chiqdi (0:1). 24-daqiqada Xvicha Kvarasxeliya raqib jarima maydonchasining chap qanotidan yo‘llagan chiroyli zarbasi bilan muvozanatni tikladi (1:1). 33-daqiqada burchak to‘pidan so‘ng Joau Nevesh gol urib, parijliklarni oldinga olib chiqdi (2:1). 41-daqiqada Maykl Olise parijliklarning markazdagi xatosidan unumli foydalandi: fransuz qulay pozisiyaga chiqib bordi va 14 metrlar chamasi masofadan kuchli zarba yo‘lladi (2:2). Birinchi bo‘limga qo‘shib berilgan vaqtda esa Usmon Dembele penaltidan gol urib, hisobni 3:2 ko‘rinishiga keltirdi.
