Лондоннинг «Арсенал» клуби вингери Букайо Сака Мадриднинг «Атлетико» жамоасига қарши бўлиб ўтган Чемпионлар лигаси биринчи ярим финал учрашуви (1:1) натижаси ҳақида фикр билдирди.
«Канонирлар» 44-дақиқада Виктор Дьёкереш томонидан киритилган гол эвазига ҳисобда олдинга чиқиб олишганди, бироқ иккинчи бўлим бошида гол ўтказиб юборишди. Қолган вақт давомида томошабинлар бошқа гол кўришмади.
«Бизда аралаш туйғулар: ғалаба билан қайтишни истагандик, аммо дурангни ҳам қабул қиламиз. Бу ҳали биринчи ўйин, «Эмирейтс»даги жавоб баҳси олдидан ўзимизга ишонамиз. Дуранг — ёмон натижа эмас, лекин ғалаба қозонмасак, ҳеч қачон тўлиқ қониқиш ҳосил қилмаймиз, чунки бизда жуда кучли жамоа бор. Кейинги ҳафтада ғалаба қозонишга ҳаракат қиламиз», — дея инглиз ОАВлари Саканинг сўзларидан иқтибос келтирмоқда.
Жавоб учрашуви 5 май куни бўлиб ўтади.
