29 апрель оқшомида ҳужумчи Ламин Ямалнинг Каталониянинг «Барселона» клуби таркибида дебют қилганига роппа-роса уч йил тўлди — ўшанда у 15 ёш-у 290 кунлик эди. Ямал Испания чемпионати олий лигасида майдонга тушган тарихдаги энг ёш футболчига айланганди.

Бу воқеа Испания чемпионати доирасидаги «Барса» Севильянинг «Бетис» жамоасини 4:0 ҳисобида мағлуб этган учрашувда юз берган. Ўйиннинг 83-дақиқасида, «Барса» ўзининг тўртинчи голини урганидан сўнг, клубнинг ўша пайтдаги устози Хави Эрнандес майдонга ушбу вундеркиндни туширишга қарор қилган.

Ямал Гавининг ўрнига захирадан майдонга тушган — қолгани эса аллақачон тарихга айланди.