Мадриднинг «Атлетико» клуби ҳужумчиси Хулиан Альварес Чемпионлар лигаси яримфинали доирасида «Арсенал»га қарши кечган дастлабки баҳсда (1:1) жароҳат олган эди.
Айнан аргентиналик форвард 56-дақиқада пенальтини аниқ амалга ошириб, лондонликлар дарвозасини ишғол қилган ва жамоасини мағлубиятдан қутқариб қолганди. Бироқ 77-дақиқага келиб, Альварес соғлиғидаги муаммо сабабли майдонни мажбурий тарзда тарк этишга қарор қилганди.
Таниқли журналист Гастон Эдул томонидан берилган янгиланган маълумотларга кўра, Хулиан Альвареснинг ҳолати хавотирли эмас. Унинг жароҳати жиддий бўлиб чиқмади ва футболчи Лондонда кечадиган жавоб учрашувига қадар тўлиқ тикланишга улгуради.
