Канада федерал ҳукумати футбол бўйича жаҳон чемпионати вақтида хавфсизликни таъминлаш учун 145 миллион Канада долларигача (тахминан 106 миллион АҚШ доллари) маблағ ажратади. Бу маблағ мезбон шаҳарлар — Ванкувер ва Торонтога футбол турнири давомида полиция кучларини мисли кўрилмаган даражада жалб қилиш билан боғлиқ ортиб бораётган харажатларни қоплашга ёрдам бериши керак. Бу ҳақда The Globe and Mail нашри хабар берди.
Қайд этилишича, чоршанба, 29 апрель куни Торонтода эълон қилинган ушбу маблағлар полицияга хавфсизликка бўлган потенциал таҳдидларни кузатиш ва уларнинг олдини олишга ёрдам беради. Хавфсизликни таъминлаш ФИФА шафелигида ўтадиган тадбирнинг энг катта харажат талаб қиладиган бандларидан бирига айланди. Мазкур мусобақа июнь ойида илк бор Канада ҳудудида, шунингдек, АҚШ ва Мексика шаҳарларида бир вақтда бўлиб ўтади.
