37 ёшли UFC Шон-шараф зали аъзоси, шунингдек, енгил вазнда собиқ UFC чемпиони, россиялик Хабиб Нурмагомедов ҳамюрти Арман Царукяннинг (UFC енгил вазн рейтингида 2-ўрин) Россия президенти Владимир Путин у учун Доғистонда спорт базаси қуриб бергани ҳақидаги баёнотини инкор этди.
«Бу мутлақо ҳақиқатга тўғри келмайди. Ҳеч ким ҳеч қачон менинг харажатларимни тўламаган ва мен учун заллaр қуриб бермаган», — деб ёзди Нурмагомедов Х (собиқ Twitter) ижтимоий тармоғидаги саҳифасида.
«Бургут» (The Eagle) ўзининг сўнгги жангини 2020 йил 24 октябрда Абу-Даби яқинидаги Яс оролида бўлиб ўтган UFC 254 турнирида ўтказган эди. Ўшанда унинг рақиби енгил вазнда вақтинчалик UFC чемпиони, америкалик Жастин Гетжи бўлган. Жанг иккинчи раундда россиялик спортчининг бўғиш услубидаги ғалабаси билан якунланган. Ушбу ғалаба Нурмагомедов учун фаолиятидаги 29-си бўлди. Жанг тугаганидан сўнг Хабиб аралаш яккакурашлардаги (ММА) фаолиятини якунлаганини эълон қилган эди.
