«Барселона»дан ижара асосида «Монако»да тўп тепаётган ҳужумчи Ансу Фати ўз келажаги борасида бир қарорга келди.
23 ёшли футболчи фаолиятини монегасклар сафида давом эттиришни истамоқда, деб хабар бермоқда журналист Лая Тудель. Форвард Каталония клуби томонидан кейинги ҳамкорликка қизиқиш йўқлигини ҳис қилмоқда, шу сабабли ортга қайтишга умид қилмаяпти. «Монако» эса ўз навбатида испаниялик футболчини 11 миллион евро эвазига сотиб олиш ҳуқуқини фаоллаштиришга тайёр.
Ансу Фати жорий мавсумда Лига 1 жамоаси сафида барча мусобақаларда 27 та ўйин ўтказиб, ўз ҳисобига ўнта гол ёздириб қўйди. Футболчининг «Барселона» билан амалдаги шартномаси 2028 йилнинг ўрталарига қадар мўлжалланган.
