«Реал»нинг собиқ футболчиси ва мураббийи Хорхе Вальдано клуб учун идеал бош мураббий кимлигини айтди. Ҳозирда жамоани Альваро Арбелоа бошқармоқда, бироқ кўпчилик ёзда унинг ўрнини машҳурроқ мутахассис эгаллашига шубҳа қилмаяпти.
Вальдано «Реал»га Жозе Моуриньо билан қайта ҳамкорлик қилишни маслаҳат бермайди.
«Моуриньо — бу ўтмиш. Клоппга жамоа қуриш учун вақт керак, аммо "Реал"да ҳеч қачон вақт бўлмайди. Скалони эса клубларда ишлаш тажрибасига эга эмас», — дея Вальданонинг сўзларини келтирмоқда derbyderbyderby.it.
Шу билан бирга, у муносиб номзодларни ҳам санаб ўтди:
«Мен Маурисио Почеттинони танлаган бўлардим, у бундай даражадаги клублар билан ишлай олишини исботлаган. Шунингдек, Дидье Дешам варианти ҳам бор — Чуамени, Камавинга ва Мбаппе каби жамоанинг кўплаб футболчилари у билан яхши таниш».
Эслатиб ўтамиз, «Реал Мадрид» Испания чемпионатида чемпионлик учун имкониятларини деярли йўқотган.
