«Real»ning sobiq futbolchisi va murabbiyi Xorxe Valdano klub uchun ideal bosh murabbiy kimligini aytdi. Hozirda jamoani Alvaro Arbeloa boshqarmoqda, biroq ko‘pchilik yozda uning o‘rnini mashhurroq mutaxassis egallashiga shubha qilmayapti.

Valdano «Real»ga Joze Mourinyo bilan qayta hamkorlik qilishni maslahat bermaydi.

«Mourinyo — bu o‘tmish. Kloppga jamoa qurish uchun vaqt kerak, ammo "Real"da hech qachon vaqt bo‘lmaydi. Skaloni esa klublarda ishlash tajribasiga ega emas», — deya Valdanoning so‘zlarini keltirmoqda derbyderbyderby.it.

Shu bilan birga, u munosib nomzodlarni ham sanab o‘tdi:

«Men Maurisio Pochettinoni tanlagan bo‘lardim, u bunday darajadagi klublar bilan ishlay olishini isbotlagan. Shuningdek, Didye Desham varianti ham bor — Chuameni, Kamavinga va Mbappe kabi jamoaning ko‘plab futbolchilari u bilan yaxshi tanish».

Eslatib o‘tamiz, «Real Madrid» Ispaniya chempionatida chempionlik uchun imkoniyatlarini deyarli yo‘qotgan.