Мадриднинг «Реал» клуби вингери Франко Мастантуоно ёзда жамоани тарк этиши мумкин. Ўтган ёзда «қаймоқранглилар» истиқболли аргентиналик футболчини «ПСЖ» илиб кетмаслиги учун шошилинч равишда «Ривер Плейт»дан сотиб олишган эди.
Diario AS хабарига кўра, эндиликда «Реал» раҳбарияти Мастантуоно учун асосий таркибда жой йўқлигини тушуниб етмоқда. Шу сабабли 18 ёшли футболчини ижарага бериб юбориш варианти тобора ҳақиқатга яқинлашмоқда.
Франко Мастантуоно жорий мавсумда Мадрид гранди сафида 30 та учрашувда иштирок этиб, учта гол урди ва битта голли узатмани амалга оширди. Футболчининг шартномаси 2031 йилгача мўлжалланган, машҳур Transfermarkt порталидаги баҳоси эса 45 миллион еврони ташкил этади.
