«Ювентус» ва «Манчестер Юнайтед» клублари собиқ ярим ҳимоячиси Поль Погба допинг сабабли четлатилганидан кейин нима учун фаолиятини якунламагани ҳақидаги саволга жавоб берди.
«Ижтимоий тармоқларда ва стадионларда мухлислардан меҳр олаётган эканман, тўхтаб қола олмайман. Одамларга қувонч улашишда давом этмоқчиман», — деди франциялик футболчи L1+ канали эфирида.
Эслатиб ўтамиз, Погба дисквалификация туфайли 1,5 йилни ўтказиб юборди. У ўтган йилнинг март ойида «Монако» билан шартнома имзолаб, катта футболга қайтди. Франция чемпионатининг жорий мавсумида ярим ҳимоячи бешта ўйинда майдонга тушди ва ҳозирча самарали ҳаракатларни амалга оширмади.
