Якшанба куни Англия чемпионатида катта ўйин – «Манчестер Юнайтед» ва «Ливерпуль» ўртасидаги баҳс бўлиб ўтмоқда. «Қизил иблислар» афсонаси Алекс Фергюсон одатдагидек «Олд Траффорд» стадионига ташриф буюрди, бироқ у ерда ўзини ёмон ҳис қилди.
Фергюсон шифохонага олиб борилди, аммо Daily Mail нашрининг таъкидлашича, бу фақат эҳтиёт чораси сифатида амалга оширилган. «Манчестер Юнайтед» вакиллари сэр Алекснинг ҳолати борасида ижобий фикрдалар.
Алекс Фергюсон ҳозирда 84 ёшда. У 1986–2013 йиллар давомида «Манчестер Юнайтед»ни бошқарган. Шотландиялик мутахассис истеъфога чиққанидан бери «қизил иблислар» бирор марта ҳам Англия чемпиони бўла олишмади.
