Бразилия терма жамоасида отаси Карлога ёрдам бераётган мураббий Давиде Анчелотти идеал футбол жамоаси қандай бўлиши кераклиги ҳақида гапириб берди.
«Менинг орзум — энг юқори даражада турли хил вазифаларни бажара оладиган жамоага эга бўлиш. Агар Чемпионлар лигасининг сўнгги ғолиби «ПСЖ»ни мисол қилиб олсак, улар ҳар нарсага қодир. Уларнинг футболчилари ҳужум ташкил қилишнинг илк босқичидаёқ устунликка эга бўлса, бўш турган жамоадошини осонлик билан топа оладилар», — дея Анчелоттининг сўзларини келтиради BBC.
Эслатиб ўтамиз, июнь-июль ойларида АҚШ, Канада ва Мексикада бўлиб ўтадиган навбатдаги Жаҳон чемпионатида Бразилия терма жамоаси «C» гуруҳида Марокаш, Гаити ва Шотландия билан куч синашади.
