Италиянинг «Комо» клуби бош мураббийи Сеск Фабрегас келажакдаги режаларидан инглиз чемпионатига қайтиш ўрин олганини маълум қилди. «Арсенал» ва «Челси»нинг собиқ ярим ҳимоячиси бошқараётган жамоа еврокубокларга йўлланма олишга яқин турибди.
«АПЛ — дунёдаги энг кучли лига. Мен буни ҳар доим очиқ айтганман. Буни футболчи сифатида ҳис қилганман, ҳозир мураббий ва мухлис сифатида ҳам ҳис қиляпман», — дея Фабрегаснинг сўзларини келтиради Telegraph Sport.
35-турдан сўнг «Комо» Италия чемпионати турнир жадвалида 62 очко билан бешинчи ўринни эгаллаб турибди. Жамоа тўртинчи ўриндаги «Ювентус»дан 3 очкога ортда қолмоқда.
