«Сассуоло»га қарши бой берилган навбатдаги ўйиндан сўнг, «Милан» футболчилари қўллаб-қувватлов учун миннатдорчилик билдириш мақсадида мухлислар жойлашган трибуна ёнига боришмади. Pianetamilan.it нашрининг хабар беришича, футбол этикасининг ушбу ёзилмаган қоидасини бузишни жамоа сардори Майк Меньяннинг шахсан ўзи талаб қилган. У футболчиларни майдонни зудлик билан тарк этиб, кийиниш хонасига йўл олишга чақирган.
Бироқ, манбанинг таъкидлашича, бунинг аниқ сабаби бор. Қизиғи шундаки, ўйин давомида тифозиларнинг ўзлари турли ишоралар орқали Меньяндан ўйиндан сўнг уларнинг олдига келмасликни сўрашган. Жамоа сардори эса шунчаки уларнинг хоҳишини бажо келтирган.
