«Sassuolo»ga qarshi boy berilgan navbatdagi o‘yindan so‘ng, «Milan» futbolchilari qo‘llab-quvvatlov uchun minnatdorchilik bildirish maqsadida muxlislar joylashgan tribuna yoniga borishmadi. Pianetamilan.it nashrining xabar berishicha, futbol etikasining ushbu yozilmagan qoidasini buzishni jamoa sardori Mayk Menyanning shaxsan o‘zi talab qilgan. U futbolchilarni maydonni zudlik bilan tark etib, kiyinish xonasiga yo‘l olishga chaqirgan.
Biroq, manbaning ta’kidlashicha, buning aniq sababi bor. Qizig‘i shundaki, o‘yin davomida tifozilarning o‘zlari turli ishoralar orqali Menyandan o‘yindan so‘ng ularning oldiga kelmaslikni so‘rashgan. Jamoa sardori esa shunchaki ularning xohishini bajo keltirgan.
