Англия Премьер-лигаси 2025/2026 йилги мавсум 35-туридан ўрин олган «Эвертон» ва «Манчестер Сити» жамоалари ўртасидаги учрашув бўлиб ўтди. Ливерпул шаҳридаги «Хилл Дикинсон» стадионида бўлиб ўтган қизиқарли ва голларга бой кечган беллашув 3:3 ҳисобида дуранг натижа билан якунланди.
Учрашувнинг 43-дақиқасида Жереми Доку ҳисобни очиб, «шаҳарликлар»ни олдинга олиб чиқди. 68-дақиқада Тьерно Барри жавоб голини киритди. 73-дақиқада Жейк О'Брайен «ириска»ларга устунликни тақдим этди. 81-дақиқада Барри дубль расмийлаштирди.
83-дақиқада Эрлинг Холанд меҳмонларнинг иккинчи голини урди. 90+7-дақиқада Доку ҳисобни тенглаштириб, жамоасини мағлубиятдан қутқарди.
Абдуқодир Ҳусанов мазкур ўйинни асосий таркибда бошлаб, баҳс охиригача майдонда ҳаракат қилди.
Ушбу натижадан сўнг «Эвертон» 48 очко билан мусобақа жадвалида 10-ўринни эгаллаб турибди. «Манчестер Сити» эса 71 очко билан иккинчи поғонада жойлашган. Пешқадам "Арсенал" 36 ўйиндан кейин ҳисобида 76 очко мавжуд.
Кейинги турда «Эвертон» 10 май куни сафарда «Кристал Пэлас»га қарши майдонга тушади. «Манчестер Сити» эса 9 май куни ўз майдонида «Брентфорд»ни қабул қилади.
Англия — Премьер-лига, 35-тур
4 май 2026 йил, Ливерпул, «Хилл Дикинсон» стадиони
Эвертон — Манчестер Сити 3:3
Голлар: 0:1 — Доку (43), 1:1 — Барри (68), 2:1 — О'Брайен (73), 3:1 — Барри (81), 3:2 — Холанд (83), 3:3 — Доку (90+7)
