Италия чемпионатида душанба куни 35-турга иккита ўйин билан якун ясалди. «Кремонезе» ўз майдонида «Лацио»га қарши баҳсда биринчи бўлимдан сўнг ҳисобда олдинда бораётган бўлса-да, якунда мағлубиятга учради.

Кремоналиклар устози Марко Жампаоло учрашув якунлари ҳақида тўхталар экан, ушбу мағлубиятни «аҳмоқона» деб атади.

«Ҳисоб ўйин ҳақидаги тасаввурни ўзгартириб юбормоқда, аслида ўйинимиз у қадар ёмон кўринмаганди. Футболчилар жуда тушкун ҳолатда, биз менинг назаримда аҳмоқона тарзда ютқаздик. Шунга қарамай, биз А Серияда жон сақлаб қолиш учун курашдан воз кечмаймиз, охирги дақиқагача жанг қиламиз», — дея Жампаолонинг сўзларидан иқтибос келтирмоқда cittaceleste.it.

Айни дамда «Кремонезе» Серия А турнир жадвалида 18-ўринни эгаллаб турибди.