Давид Райя АПЛда мавсумнинг энг яхши дарвозабони деб топилди.

«Арсенал» посбони Англия чемпионатининг жорий мавсумида 17 та ўйинни гол ўтказмасдан (қуруқ) якунлади. Унинг энг яқин таъқибчиси — Жанлуижи Доннарумма ҳисобида 13 та «қуруқ» ўйин бор.

«Шаҳарликлар» (Манчестер Сити) ихтиёрида ушбу мавсумда яна тўртта ўйин қолган. Агар Доннарумма уларнинг барчасида дарвозаси дахлсизлигини сақлаб қолса ва Райя «Арсенал»нинг қолган учта ўйинида камида биттадан гол ўтказиб юборса, у ҳолда испаниялик ва италиялик дарвозабонлар совринни ўзаро бўлишиб олишади.

Райя кетма-кет учинчи мавсум АПЛ «Олтин қўлқопи»га эга чиқмоқда — аввалроқ бундай натижага фақат Хосе Рейна, Жо Харт ва Эдерсон эриша олган эди.