Франциянинг «ПСЖ» клуби ёзги трансфер ойнаси вақтида «Барселона» ярим ҳимоячиси Френки де Йонгни сотиб олмоқчи. Бу ҳақда El Nacional нашри хабар бермоқда.
Манбага кўра, Париж гранди нидерландиялик футболчи учун «кўк-анорранглилар»га 55 млн евро таклиф қилишга тайёр. Қайд этилишича, трансфер шу йилнинг ёзида амалга оширилиши мумкин.
«Барселона»нинг молиявий ҳолати жамоадаги юқори маош олувчи футболчилардан бири бўлган де Йонгнинг сотилишига сабаб бўлиши мумкин. «ПСЖ» эса ушбу вазиятдан фойдаланиб, марказий чизиқни кучайтиришни мақсад қилган.
