«Сантос» Жанубий Америка кубоги гуруҳ босқичи 4-тури доирасида «Реколета» билан дуранг ўйнади — 1:1. Учрашув Парагвайдаги «Рио Парапити» стадионида бўлиб ўтди.
Ўйиннинг 41-дақиқасида Бразилия жамоаси ҳужумчиси Неймар ҳисобни очди. Мезбонлар иккинчи бўлим якунида жавоб тўпини киритишга муваффақ бўлишди — захирадан майдонга тушган Фернандо Галеано ўз номини таблога ёздириб қўйди.
«Сантос» 3 очко билан «D» гуруҳида сўнгги ўринни эгаллаб турибди. «Реколета» эса 4 очко билан 3-поғонадан жой олган.
Жанубий Америка кубоги «D» гуруҳи, 4-тур
«Реколета» (Парагвай) — «Сантос» (Бразилия) — 1:1 (0:1)
Голлар: 0:1 – 41 Неймар, 1:1 – 86 Галеано.
