«Santos» Janubiy Amerika kubogi guruh bosqichi 4-turi doirasida «Rekoleta» bilan durang o‘ynadi — 1:1. Uchrashuv Paragvaydagi «Rio Parapiti» stadionida bo‘lib o‘tdi.

O‘yinning 41-daqiqasida Braziliya jamoasi hujumchisi Neymar hisobni ochdi. Mezbonlar ikkinchi bo‘lim yakunida javob to‘pini kiritishga muvaffaq bo‘lishdi — zaxiradan maydonga tushgan Fernando Galeano o‘z nomini tabloga yozdirib qo‘ydi.

«Santos» 3 ochko bilan «D» guruhida so‘nggi o‘rinni egallab turibdi. «Rekoleta» esa 4 ochko bilan 3-pog‘onadan joy olgan.

Janubiy Amerika kubogi «D» guruhi, 4-tur

«Rekoleta» (Paragvay) — «Santos» (Braziliya) — 1:1 (0:1)

Gollar: 0:1 – 41 Neymar, 1:1 – 86 Galeano.