Португалиялик ҳужумчи Гонсалу Рамуш ёзги трансфер ойнасида Франциянинг «ПСЖ» клубини тарк этиши мумкин. Бу ҳақда Teamtalk журналистлари хабар бермоқда.
Манбанинг маълумотига кўра, 24 ёшли ҳужумчининг трансферига Каталониянинг «Барселона» клуби қизиқиш билдирмоқда. Рамушнинг ўзи Париж грандида барқарор ўйин амалиётига эга бўлмаётгани сабабли ўз ҳолатидан норози.
Гонсалунинг «ПСЖ» билан амалдаги шартномаси 2028 йилнинг июнь ойида якунига етади. Унинг бозор қиймати 35 миллион еврони ташкил этади. Жорий мавсумда португалиялик футболчи парижликлар сафида 41 та учрашувда майдонга тушиб, 12 та гол ва 2 та голли узатмани ўз ҳисобига ёздириб қўйди.
