«Тоттенхэм» ва Нидерландия терма жамоаси ярим ҳимоячиси Хави Симонс шифохонадан фотосурат жойлаштирди. У кеча ўнг тиззасидаги олдинги хочсимон боғламлари узилиши туфайли муваффақиятли операция қилинди.

«Мен бир муддат кўздан йўқолдим. Ўз ишим билан банд бўлдим, маҳоратимни янада оширдим. Кириш қисми якунланди. Энди эса олдинга», — деб ёзди Симонс ижтимоий тармоқлардаги саҳифасида. Суратда у оёғи боғланган ҳолатда, иккала қўлининг бош бармоғини юқорига кўтариб тургани тасвирланган.

Шу тариқа, Симонс бўлажак жаҳон чемпионатида иштирок эта олмайди. Унинг йил якунига қадар сафга қайтиши кутилмоқда. Жорий мавсумда ярим ҳимоячи АПЛда 28 та ўйинда майдонга тушиб, 2 та гол урди ва 5 та голли узатмани амалга оширди.