«Арсенал» клуби ярим ҳимоячиси Деклан Райс жамоанинг Чемпионлар лигаси финалига чиққанидан сўнг интервью берди. Англиялик футболчи «Атлетико»га қарши кечган ва минимал ҳисобдаги ғалаба билан якунланган жавоб учрашувининг энг яхши ўйинчиси деб топилди. Икки ўйин натижасига кўра умумий ҳисоб — 2:1.
«Бу муваффақиятнинг аҳамиятини паст баҳолаб бўлмайди. Бу клуб учун жуда муҳим пайт ва биз байрам қилишга тўла ҳақлимиз. Биз энг нуфузли турнир финалига чиқдик. Мухлислар бизни олдинга бошлашди ва куч бериб туришди. Голдан сўнг биз ғалаба қозонишимизни дарҳол англадим. Мен буни шунчаки ҳис қилдим. Ажойиб лаҳзалар», – деди Райс Amazon Prime билан суҳбатда.
Финал учрашуви 30 май куни бўлиб ўтади. «Арсенал»нинг рақиби «ПСЖ» ёки «Бавария» бўлади.
