«Бавария» Чемпионлар лигасининг (1992/1993 йилги мавсумдан бошлаб) плей-офф босқичидаги икки ўйинлик қарама-қаршиликларнинг дастлабкисида 16 бор мағлубиятга учраган. Шулардан фақат тўрттасида Мюнхен клуби биринчи ўйиндаги мағлубиятга қарамай, кейинги босқичга чиқишга муваффақ бўлган.

Бироқ, ярим финал босқичида «Бавария» биринчи ўйиндаги мағлубиятдан сўнг ҳали бирор марта умумий натижани ўз фойдасига ўзгартириб, финалга йўл ололмаган.

Эслатиб ўтамиз, бугун, 6 май куни, Чемпионлар лигаси 2025/2026 йилги мавсумининг ярим финал жавоб учрашуви бўлиб ўтади. Унда «Бавария» ва «ПСЖ» жамоалари тўқнаш келишади.

Биринчи ўйинда парижликлар 5:4 ҳисобида ғалаба қозонишган эди. Бугун «Бавария» ушбу нохуш анъанага чек қўя оладими ёки йўқ, буни яқин соатлар ичида билиб оламиз.