«Барселона» ҳимоячиси Жюль Кунде жамоа чемпионликни нақд қилиши мумкин бўлган Класикода ғалаба қозонишга қатъий қарор қилганини маълум қилди.
Каталонияликлар 10 май куни Ла Лиганинг 35-тури доирасида «Реал»ни қабул қилади.
«Жамоа яхши машғулот ўтказмоқда ва мотивацияга тўла. Биз Ла Лигада ғолиб чиқмоқчимиз ва буни ўз уйимизда, «Камп Ноу»да амалга ошириш ажойиб бўларди.
Бизга дуранг ҳам кифоя қилади, лекин биз «Реал Мадрид»ни мағлуб этмоқчимиз. Класикодаги ғалаба калити — нафақат ҳимоя, балки бутун жамоа томонидан тўғри амалга ошириладиган босимда. Биз жуда эътиборли бўлишимиз керак», — деди Кунде.
