«Манчестер Юнайтед» собиқ футболчиси Пол Скоулз «Арсенал»нинг жорий мавсумдаги ўйини ҳақида ўз фикрини билдирди.
«Мен «Арсенал» Англия чемпионлигига лойиқ эмас, демоқчи эмасман. Менинг ягона фикрим шундаки, менга уларнинг ўйинларини томоша қилиш ёқмайди. Улар менда «жин урсин, ажойиб жамоа» деган таассурот қолдирадиган даражадаги клуб эмас. Ҳатто ўтган йилги «Ливерпуль» ҳам мени «ҳақиқатан ҳам кучли жамоа» деб ўйлашга мажбур қилганди. «Арсенал»да эса буни кўрмаяпман. Мен «Арсенал»нинг ҳар бир ўйинини кўриш учун телевизорни ёқмайман», — деди Скоулз The Overlap нашрига берган интервьюсида.
Айни дамда «Арсенал» АПЛ турнир жадвалида 76 очко билан пешқадамлик қилмоқда. «Канонирлар» иккинчи ўринда бораётган «Манчестер Сити»дан беш очко олдинда, бироқ «шаҳарликлар» захирасида битта ўйин мавжуд.
