Лондоннинг «Арсенал» клуби бош мураббийи Микель Артета жамоа ҳужумчиси Букайо Сака билан ишлашдан олаётган таассуротлари билан ўртоқлашди.

«У билан ишлаш ҳақиқий завқ. Ҳар доим ишониш мумкин бўлган бундай инсонни топганимдан жуда ҳам бахтиёрман, буни энг бошиданоқ айтганман. Биламанки, Букайо ҳар доим жавоб бера олади, унинг қалби пок. У қилаётган ҳар бир иш маълум қадриятлар, тарбия ва тамойилларга асосланган. Мен жуда хурсандман. Ўйлайманки, унинг шахсият сифатида қандай эканлигини ҳаммамиз биламиз. Унинг клуб учун майдонда қилаётган ишлари, жумладан, Чемпионлар Лигасида «Атлетико»га қарши кечган сўнгги ўйиндаги ҳаракатлари ҳам ҳурматга лойиқ», — дея Артетанинг сўзларини келтиради «канонирлар» расмий сайти.

Жорий мавсумда Сака клуб миқёсида 46 та ўйинда майдонга тушиб, 11 та гол урди ва 8 та голли узатмани амалга оширди.