2023 йилда Луис Энрикедек мураббийнинг келиши «ПСЖ»га қанчалик катта суръат бағишлаганини биргина статистика ҳаммасидан ҳам ёрқинроқ кўрсатиб турибди. Гап шундаки, ўтган вақт мобайнида, яъни сўнгги уч мавсумда Луис Энрике Чемпионлар лигасидаги эҳтимолий 47 та ўйиндан 46 тасида жамоани майдонга бошлаб тушди.
У фақат 2024 йилги турнир финалига ета олмаган — ўшанда парижликлар ярим финалда тўхташга мажбур бўлишган эди. 2025 йилда эса улар барибир финалга чиқишди ва у ерда Миланнинг «Интер» клубини тор-мор келтиришди. Ҳозирда Луис Энрике жамоаси яна финалда ўйнайди, аммо бу сафар Лондоннинг «Арсенал» жамоасига қарши.
Эслатиб ўтамиз, Европа футбол клублари ўртасидаги энг нуфузли турнирнинг финал учрашуви 30 май куни бўлиб ўтади.
