«Манчестер Сити» ҳужумчиси Эрлинг Холанд Англия Премьер-лигасининг 36-тури доирасида кечган «Брентфорд»га қарши баҳсда ўз фаолиятидаги навбатдаги муҳим маррани забт этди.
Учрашувнинг 75-дақиқасида норвегиялик тўпурар рақиб дарвозасини товони билан ишғол этиб, нафақат чиройли гол муаллифига айланди, балки мавсумдаги голлари сонини ҳам ошириб олди.
Бу гол Ҳоланд учун жорий мавсумда клуб ва терма жамоа сафида урилган жами 50-гол бўлди. Ушбу натижага эришиш учун ҳужумчига 57 та ўйин кифоя қилди. Ҳозирда Холанд АПЛ тўпурарлар пойгасида якка пешқадамлик қилмоқда.
