Англия терма жамоаси собиқ ҳужумчиси Уэйн Руни Премьер-лига доирасида кечган «Ливерпуль» — «Челси» (1:1) учрашуви ҳақида ўз фикрлари билан ўртоқлашди.
Эксперт сифатида фаолият юритаётган Рунининг таъкидлашича, меҳмонлар «мерсисайдликлар»га жиддий қаршилик кўрсатишган.
«Менимча, «Ливерпуль» ўйинни жуда яхши бошлади ва гол урди, аммо кейинчалик «Челси» устунликни ўз қўлига олди. Айниқса, Кукурельянинг ҳимоячилар ортига амалга оширган юришлари «Ливерпуль» учун катта муаммо туғдирди», — дейди Руни.
Шунингдек, у «Энфилд»даги муҳитга ҳам тўхталиб ўтди:
«Трибуналарда бироз асабийлик сезилди — «Ливерпуль» мухлисларида бундай ҳолат камдан-кам кузатилади. Бу мавсумнинг улар кутгандек ўтмаётгани билан боғлиқ, ваҳоланки, трансферлар учун катта маблағ сарфланган эди».
