«Барселона» вингери Рафинья Диас Мадриднинг «Реал» клуби устидан қозонилган ва жамоанинг чемпионлигини нақд қилган ғалабадан сўнг ўз фикрлари билан ўртоқлашди.
Каталонияликлар Маркус Рэшфорд ва Ферран Торреснинг 9 ҳамда 18-дақиқаларда киритган голлари эвазига зафар қучишди. Рафинья учрашувнинг 64-дақиқасида захирадан майдонга тушди — бу унинг март ойидан буён илк бор ўйинда кўриниш бериши.
Ўйиндан кейинги интервьюда бразилиялик футболчи жамоа ҳимоячиси Жерар Мартиннинг жанговар руҳиятини алоҳида эътироф этди.
«Мартин билан бемалол урушга киришса бўлади. Мен у билан ҳатто дунёнинг чеккасига боришга ҳам тайёрман», — дея футболчининг сўзларини келтиради журналист Фабрицио Романо.
