Дунёга машҳур инсайдер Фабрицио Романо «Манчестер Юнайтед» клуби ва жамоанинг амалдаги бош мураббийи Майкл Кэррик келажакда ҳам ҳамкорликни давом эттиришни режалаштираётганини тасдиқлади.
Романонинг хабарига кўра, «МЮ» Кэррикни ўз лавозимида сақлаб қолиш имкониятини сезиларли даражада оширган. «Қизил иблислар» раҳбарияти ва футболчилари бир овоздан англиялик мутахассиснинг қолиши тарафдори эканини билдиришган.
Эндиги навбат клуб ва мураббий ўртасидаги расмий музокараларга келиб тақалди. Томонлар янги келишув имзолашдан олдин шартноманинг барча деталларини муҳокама қилиб олишлари лозим.
Эслатиб ўтамиз, Майкл Кэррик жорий мавсум давомида Рубен Аморимнинг ўрнини эгаллаган эди.
