Лондоннинг «Арсенал» клуби ёги трансферлар ойнасида ярим ҳимоя чизиғини кучайтиришни режалаштирмоқда.

Клуб «Вест Хэм Юнайтед»нинг 21 ёшли португалиялик хавбеки Матеуш Фернандеш вакиллари билан музокараларни бошлаган. Бу ҳақда The Times хабар берди.

Манба маълумотига кўра, Фернандешнинг жорий мавсумдаги ўйини «Арсенал» мураббийлар штабида катта таассурот қолдирган.

Шунингдек, «Вест Хэм»нинг Чемпионшипга тушиб кетиши эҳтимоли юқори бўлгани сабаб, «канонирлар» ушбу трансферни муваффақиятли якунлаш имкониятига эга.

Жорий мавсумда Матеуш Фернандеш «Вест Хэм» сафида 36 та учрашувда майдонга тушиб, 3 та гол урди ва 4 та голли узатмани амалга оширди.

Transfermarkt маълумотига кўра, футболчининг бозор қиймати 35 миллион еврога баҳоланмоқда.