Португалиянинг «Бенфика» клуби бош мураббийи Жозе Моуриньо клуб билан шартномани узайтириш бўйича таклиф олганини тасдиқлади. Бу ҳақда «Madrid Universal» нашри хабар бермоқда.
«Ҳа, чоршанба куни «Бенфика»дан шартномани узайтириш борасида таклиф олдим. Уни агентимга топширишди, лекин мен ҳозирча уни кўришни ва муҳокама қилишни истамадим. Бу ишни фақат якшанбадан кейин амалга ошираман», — деди Моуриньо.
«Реал Мадрид»га келсак, клубдан ҳеч ким менга бирор таклиф билан чиқмади — на президент ва на бошқа биров. Аммо шундай бўлган тақдирда ҳам, жавобим ўша-ўша бўларди», — дея таъкидлади мураббий.
Чемпионат якунланишига бир тур қолганда «Бенфика» учинчи ўринда бормоқда ва «Спортинг»дан 2 очко ортда қолмоқда. Мавсумнинг сўнгги ўйини «Эшторил»га қарши 16 май куни бўлиб ўтади.
