«Манчестер Сити» бош мураббийи Хосеп Гвардиола Англия Кубоги финалида «Челси» устидан ғалаба қозонилган тақдирда ҳам, жамоанинг байрам қилишга вақти бўлмаслигини маълум қилди. «Шаҳарликлар» бугуннинг ўзидаёқ «Уэмбли» стадионида «кўклар» билан кубок учун баҳс олиб боришади. Учрашув Тошкент вақти билан соат 19:00 да старт олади.

«Агар Англия Кубогини қўлга киритсак, бизда ҳатто бу ғалабани нишонлаш имконияти ҳам бўлмайди. Чунки дарҳол уйга қайтиб, навбатдаги "финал"га тайёргарликни бошлашимиз керак», — деди Гвардиола матбуот анжуманида Премьер-лиганинг 37-туридан ўрин олган «Борнмут»га қарши ўйинни назарда тутиб. «Афсуски, замонавий футбол шундай тузилган. Ҳақиқат мана шундан иборат», — дея қўшимча қилди испаниялик мутахассис.

«Манчестер Сити» чемпионат тугашига икки тур қолганда турнир жадвалида иккинчи ўринни эгаллаб турибди ва пешқадам «Арсенал»дан икки очкога ортда қолмоқда.