«Манчестер Сити» бош мураббийи Хосеп Гвардиола «Манчестер Юнайтед» футболчиси Люк Шоуни алоҳида эътироф этди. Шанба куни «Уэмбли» стадионида Англия Кубоги финали бўлиб ўтади ва унда «шаҳарликлар» «Челси»га қарши баҳс олиб боришади.
Ўйин олдидан ташкил этилган матбуот анжуманида испаниялик мутахассис «Сити»нинг яқинда Англия ёшлар Кубоги финалида «Манчестер Юнайтед» устидан қозонган ғалабаси ҳақидаги саволга жавоб берар экан, «қизил иблислар»нинг чап қанот ҳимоячисини ўзининг энг севимли футболчиларидан бири деб атади.
«Манчестер Сити» ва «Челси» ўртасидаги бугунги учрашув Тошкент вақти билан соат 19:00 да старт олади. Эслатиб ўтамиз, Гвардиола жамоаси аввалроқ финалда «Арсенал»ни мағлуб этиб, Лига Кубогини қўлга киритган эди.













