Россия терма жамоасининг собиқ футболчиси Андрей Канчельскис Шимолий Америкада бўлиб ўтадиган 2026 йилги жаҳон чемпионатидан кутилаётган натижалар ҳақида гапирди.

«ЖЧ-2026 финалига ким чиқиши ёки унда ким ғолиб бўлишини ҳозирдан аниқ айтиб бўлмайди, чунки чемпионат ғайриоддий шароитларда ўтади. Гуруҳ босқичидаги дастлабки икки ўйиндан сўнг кимларнидир мақташ ва асосий фаворитларни аниқроқ кўрсатиш мумкин бўлади. Аммо ҳозирча аргентиналиклар, бразилияликлар, французлар ва бошқа грандлар, ҳар доимгидек, жиддий номзод бўлиб кўринмоқда», — деди Канчельскис.

Эслатиб ўтамиз, АҚШ, Канада ва Мексика мезбонлик қиладиган 2026 йилги жаҳон чемпионатида 48 та жамоа иштирок этади.