«Барселона» ярим ҳимоячиси Марк Берналь клубдаги сўнгги уй учрашувини ўтказган Роберт Левандовски ҳақидаги фикрлари билан ўртоқлашди. 37 ёшли ҳужумчи Ла Лига доирасида «Бетис»га қарши кечган якшанба кунги баҳсдан (3:1) сўнг «Камп Ноу» мухлислари билан хайрлашди.

«Барселона» Левандовски учун иккинчи уйга айланди — биз бундан фахрлансак арзийди. Академиянинг ёш футболчилари учун биринчи жамоага киришиб кетиш доим қийин бўлган, аммо Роберт ўз маслаҳатлари билан ёрдам бериб, вазифамизни осонлаштирди. У бизга кўп нарсани ўргатди ва ҳақиқий афсона сифатида кетмоқда. Биз ундан миннатдормиз», — дея Берналнинг сўзларини келтирмоқда Barca Universal нашри.

Левандовски тўрт йил давомида «Барселона» шарафини ҳимоя қилди. Мавсум якунида у эркин агентга айланади.