«Barselona» yarim himoyachisi Mark Bernal klubdagi so‘nggi uy uchrashuvini o‘tkazgan Robert Levandovski haqidagi fikrlari bilan o‘rtoqlashdi. 37 yoshli hujumchi La Liga doirasida «Betis»ga qarshi kechgan yakshanba kungi bahsdan (3:1) so‘ng «Kamp Nou» muxlislari bilan xayrlashdi.

«Barselona» Levandovski uchun ikkinchi uyga aylandi — biz bundan faxrlansak arziydi. Akademiyaning yosh futbolchilari uchun birinchi jamoaga kirishib ketish doim qiyin bo‘lgan, ammo Robert o‘z maslahatlari bilan yordam berib, vazifamizni osonlashtirdi. U bizga ko‘p narsani o‘rgatdi va haqiqiy afsona sifatida ketmoqda. Biz undan minnatdormiz», — deya Bernalning so‘zlarini keltirmoqda Barca Universal nashri.

Levandovski to‘rt yil davomida «Barselona» sharafini himoya qildi. Mavsum yakunida u erkin agentga aylanadi.